بـــاقي حـــياتي

سألوني .. بتريد مين ؟؟؟ ..

وخابّيها ليه في السر ؟؟؟ ..

أدّينـــــا عنّــــها فكره ..

إن شاء الله حتّى سطر ..

 

يا أخوانّا دي ليلى ..

دي ليلى .. ما بيغباها راجل لا مره ..

دي ليلى .. في داخل قليبي محكّره ..

دي ليلى .. في أجمل قصايدي مسطّره ..

دي ليلى .. في صفحات خيالي مصوّره ..

دي ليلى إن بانتْ .. همومي تودّرا ..

دي ليلى إن غابتْ .. حياتي مكدّره ..

دي ليلى من يشرق وجيها .. حزني يغيب ..

دي ليلى من لمسة يديها .. جرحي يطيب ..

دي ليلى من تبسُم بُروقا .. سحابي يجيب ..

دي ليلى من تضحك معايَ .. يفوح الطيب ..

دي ليلى حبيبة ال .. ما لاقي ليهو حبيب ..

دي ليلى .. ياها مُنايا .. يا رب لي مُنايا تجيب ..

دي ليلى القمره بين الناس .. مضوّي جبينا ..

دي ليلى غناها .. يملا الليل هدوء وسكينه ..

دي ليلى نجوم .. تحجِّيني بحكاوي حنينه ..

دي ليلى الزُهره في التسعه الكواكب .. زينه ..

دي ليلى تقول .. سواد اللّيل مُكحِّل عينا ..

دي ليلى القمره .. ليلى النّجمه .. ليلى الزّينه ..

ليلى زهوري .. شايلات من نضار خدّيها ..

ليلى دي عُمري .. شايف عُمري في عينيها ..

ليلى حياتي .. باقي حياتي .. باقيه عليها ..

دي ليلى حبيبتي ..

ما الفي الصحرا قيس راجيها .

علي قولكم : ما بين السُطور .. في سُطور .

 

 

 

 

 

 

 

 

 

 

 

 

سودانِِي .. واحــــد .

سودانِِي واحد .. ومالو تاني ..

سودانِِي في قلبي .. وكياني ..

***

سودانِِي كوكب في مدارو ..

سودانِِي بيمينو .. ويسارو ..

***

سودانِِي في كلَّ الظروف ..

سودانِِي بسمع بي .. وبشوف ..

***

سودانِِي في قمحة شمـــالو ..

سودانِِي في خضرة جنوبو ..

***

في المينا بي سيفو .. وخلالو ..

تبلديّـه .. في رملة غروبـــو ..

***

سودانِِي في كلَّ المدايـــن ..

سودانِِي .. في سحنتنا باين ..

***

سودانِِي حُمرة عين .. وقوّه ..

سودانِِي طيبة ناس .. وخوّه ..

***

سودانِِي مليون ميل .. وزقــّه ..

سودانِِي .. ما أظن زيّو بلقى ..

***

سوداني .. بيسلــّم عليــــكم ..

أقعدُوا عافيه .. سلام عليكم ..

***

إيتنينــــا .. حبابكو عشره ..

سودانِِي .. ما بينسالو عُشره ..

سودانِِي .. ما بينسالو عُشْره ..

سودانِِي .. ما بينسالو عُشْره ..