الله .. الوطن .. الهلال

مالِينــــــــا حُبّك يا هــــــــلال ..

إسمك أصِل .. ما إنتحـــــــال ..

طعم إنتصاراتـــــــك .. زلال ..

نسّيتنا بالأمل .. المُحــــــــال ..

وورّيتنا أولادك .. أبطـــــــال ..

من غير تردّد .. أو ســــــؤال ..

عبروا المتاريس .. والجبــال ..

وجمهورك .. الواسع مجـــال ..

واقف معاك .. في كلِّ حـــــال ..

رافعين شعارك .... في السما ..

اللّه ...... الوطن ...... الهلال

بعد داك تجي الشوكولاته.

مفارقات

صنوف الناس .. كتيره خلاص

فيها الحـــكمه .. فيها العِبـــره

في ناس في الدنيا عايشه فتوّه

ونـــــــــاس .. لا حــول لا قوه

وناس جوّه القلوب ما صــافيه

ونـــاس .. تدخل قليبك جــــوّه

في ناس حافظه الأغاني الهابطه

وناس .. الركعه .. بي (قد سَمِعَ)

ونـــــــــاس بي رفقتــم تتشــرّف

ونـــاس .. بيجيبوا ليك السُــمْعه

في ناس البينا .. غل وعداوه

وناس .. تحلف تقول أخوان

وناس يستقبلوك بحفــــــاوه

ونـــاس .. يجزوك بالنكران

في ناس في حلاتا زيّ القمره

ونــــاس .. زايداها حبّه مويه

وناس غالب عليــــها السُمره

وناس .. اللون تقول حربويه

في ناس عايشه الأمور ببساطه

ونـاس تلعن .. وتسب في يوما

وناس ظالمه .. وتقول مظلومه

ونــــاس .. رضيانه بالمقسومه

في ناس شايله الهموم بالفطره

وناس ..ما ساءله في يوم بكره

ونـــاس لابسه الخجل والستره

وناس كده عيني عينك .. برّه

في نـــــاس بتشتريك بالبسمه

وناس بتبيع هدومك .. واقف

وناس ما بترضى فيها الكلمه

وناس .. حقيقه .. جد .. ماعارف

صنوف الناس كتيره خلاص

والبــاقي .. بتمّوا ليكم بكره .

رمضان كريم علينا وعليكم .. وشكراً على العنوان الرائع يا سرور.

ما عرفتيني .. لسّه

إنتي ما عرفتيني لسّه ؟..
أنا كنت بستناكِ ديمه ..
مرّه قاعد .. ومرّه واقف ..
في مزاراتنا القديمه ..
كنت يوم ألحظ عيونك ..
بتوه .. في أفلاكا .. وسديما ..
ده حتّى قلبي المات شعورو ..
من كلام عينيكي حسّ .


إنتي ماعارفاني لسّه ؟..
حاولي أتذكّري شويّه ..
يوم سألتي عيوني عنّك ..
وعن مشاعري الليك .. قويه ..
شبّهتْ ليك بي علاقة ..
قيس .. وليلى العامريّه ..
طالما الناس ما نسوهم ..
يبقى كيفن ليكي أنسى ؟ ..


إنتي ما عارفاني لسّه ؟ ..
البينّا ما محتاجلو عِرفه ..
ده القدر رتّب لِقانا ..
يعني ما اتلاقينا صدفه ..
وبكره حنتمّم مُرادنا ..
بي وصال .. ووئام .. وإلفه ..
إنتي لسّه الحيره مالياك ؟ ..
يبقى ما عرفتيني .. لسّه .


وعلي قولكم : الما بيعرفك ......

لو شفتوهم .. حتحبوهم

مهداه إلى أطفال المايقوما .. مجهولي الهويه

لو شفتوهم .. حتحبوهم ..

بس ما يبقى حب وخلاص ..

ديل أطفال .. ربّنا يرعاهم ..

ملايكه عديل .. ما زيّنا ..ناس .

يوم الدين ربّنا بسألنا ..

عن أطفال ما ليهم ذنب ..

حتقولوا مشينا ورا دنيتنا ..

وخلّيناهم وسط الدرب ؟ ..

بكره حنندم لي فرجتنا ..

ونعيش أيّامنا بلا إحساس .

ديل ملايكه عديل .. ما زيّنا ناس

أهي جات الفرصه .. عشان نمشيلم ..

في رمضان الخير والبركه ..

دي الحسنات في الدار بالكوم ..

والحشّاش يملاها الشبكه ..

ديل عند الله عصافير جنّه ..

وحيكبروا يوم .. مرفوعين راس .

ديل ملايكه عديل .. ما زيّنا ناس

أمانه عليكم .. لو زرتوهم ..

شوفوا (...) كيفن هادي ..

وللا عيون الحلوه (...) ..

بتضحك للزايرين ونتادي ..

بس ما تمشوا وإيدكم فاضيه ..

قالوا زمان الناس بالناس .

إنتو لو زرتوهم .. حتحبوهم .

يا رب .. ما يجي في عيونّا نوم .. ما لم ينوموا ماكلين وشاربين .. والبسمه ماليه وجوهم ..