الفي الجبين .. بتشوفو بكره العين

إنتو معاي ولّلا علي ؟؟؟...

خليكم كمان واضحين ..

بتلوموني في زعلي ؟؟؟...

أشيل واكتم فيني لمتين ! ..

قلبي بي سكوتكم مغلي ...

أهو باين .. في حَمار العين ..

كل ريدي وهيامي وشغفي ..

راح في ثواني معدوده ..

وقالوا عليّ ..ما بتوفي ..

وده حلم .. أبعادو محدوده ..

وأنا قلت تقيفوا في صفّي ..

بس لقيت القربه مقدوده ..

في ناس للفتنه .. أجّاجه ..

وراسُم وألف سيف يكووني ..

وإنتو! .. وقفتوا فرّاجه ..

وفي الآخر تجوا تلوموني؟؟ ..

وانا لا مسكين .. ولا زول حاجه ..

بس المفروض تعزّوني ..

إنتو معاي وللا علي ؟؟؟..

خلّيكم كمان واضحين ..

تلوموني في زعلي ؟!؟! ..

أنا أشيل واكتم فيني لمتين ! ..

ياخي سيبوني في حالي ..

والفي جبيني .. بتشوفو بكره العين ..