وداع .. في مُنتهى الطِيبه

شكلِك نِسيتي .. خلاصْ ..

وطوّلتي في الغيبه ..

وودّعتي كلَّ النّاس ..

وسِبتيني في رِيبه ..

قلبِك ده كان حسَّاس ..

كان في منتهى الطيبه ..

وبقى زيِّو زيَّ النّاس ..

ليه يا أحنَّ حبيبه ؟ ..

,,,,,,

أقلّو كان تستنِّي ..

كان تستشيري ضميرِك ..

وفي وداعي كان تتأنّي ..

ده حتّى الوداع بيضيرِك ؟ ..

أنا صبرِي فيك لازِمني ..

عسى تعتِقيهو أسيرِك ..

قلبي .... اللِي ما مُتْمنِّي ..

في الدُّنيا يعشِق غيرِك ..

,,,,,,

أنا شكلي إتعجّلت ..

وقت الحكمْت عليكي ..

لو كُنت إتمهّلت ..

وشُفت الخجل ماليكي ..

ما كنت إتلوّمت ..

وقدّرت خجلِك فيكي ..

يا ريتني لو كان مُتَّ ..

وما أشوف وداع عينيكي ..