بين إيديكي

خجلانه من كلمة بحبك؟..

دي العيون بتقولا يومي

حقّو تعرفي إنو حبّك..

ليّ باين..ما تلومي

بلاهو ما بيطلع نهار..

ومعاهو تتبدّد همومي

ويبقى لي بالليل مؤانس..

ده ببقى لي قمري ونجومي

,,,,,,,,,,,,,,

خجلانه حتّى من السلام؟..

قالوا السلام سنّه..وعباده

ده ربّنا المعبود بيفتح..

بالسلام دار من سعاده

بالسكوت..دسّيتي ريدك..

وبالعيون قلتي..وزياده

أبقي ردّي علي سلامي..

عشان عيوني يقل سهادا

,,,,,,,,,,,,,,

خجلانه منّي أنا البريدك؟..

ده قلبي عاشق..وبين إيديكي

في عيوني بشيلك إنتي..

ومن عيوني بغير عليكي

ويا حبيبه عمري دايماً..

أبقي ما تقطعي مجيكي

ويبقى خجلك ليكي صاينك..

وتبقي ليّ..وأبقى ليكي

وعي قولكم: ده سايق دلالو علي