CTS - IT - 2001 ورّوني بس .. مين زيّنا

مين زيّنا .. ورّوني بس .. مين زيّنا ..

2001 من بدت .. جات دفعه .. واتلاقت هِنا ..

من ديك .. وعيك .. ما اتفارقوا .. تامّين ولامّين في هنا ..

رغم البعاد .. رغم البلاد .. والموت كمان شال مِنّنا ..

في قلوبنا والله العظيم .. ما غبتوا لحظات عنّنا ..

فيك يا التقانه وتقنيه .. لقب (التميّز) حقّنا ..

ساعة الحُزن .. ساعة الفرح .. رمضان كمان بيلّمنا ..

و 2001 .. وإنتهت .. وأهُم نِحن .. من سنه لي سنه ..

يا ربّي لي باقي العُمر .. يوماتي تجمع شملنا ..

ويا دفعه .. معليش في السؤال .. ورّوني بس .. مين زيّنا .

فايتِك كتيرْ

فايتِك كتيرْ ..

لو ماكي عارفه معزّتِك ..

عندِي بتساوي الدُّنيا .. والنَّاس أجمعينْ ..

واكتر كتير ..

ما الدنيا يوما الجابتِكْ ..

ضِحكتْ معاي .. خلّت عِنادا .. بدت تلين ..

ودي النِّاس تغير ..

وكتين يكونو في حضرتِكْ ..

ما شافوا لجمالِك مثيل ..

في الرِّقه .. في الطبع الرَّزين ..

كمان إنتي غير ..

في لفتتِكْ .. في مشيكِي أو في وقفتِكْ ..

يحاكيكِي طير العندليب ..

في الضَّحكه في الصوت الحنين ..

ده حتّى العبِيرْ ..

الفاح .. هَجر أزهارو صافح لمستِكْ ..

شال في بنانِك .. وإستراح ..

بي عِطرُو فايح ومستكينْ ..

والبدرِ كامِل .. مستدير ..

أيش جاب لِجاب .. معَ طلّتِكْ ..

صدق اللي قال .. يا اخوانّا ورُّونِي الفرِق ..

ضيَّ القمر .. وللا الجبيِنْ .

جــــاهل .. وبَتعلَّـــــم

وانا في حضرة جميل .. ساحر ..
بِدونْ ما أدري .. أتبسَّـم ..
واشوف في عيونو شي .. آسر ..
يخلّـي عيونـي تتكلّم ..
ودقّات قلبي .. بِتْجاهِر ..
عسى ولعــلَّ .. بي يعلـَـم ..
وفي عيوني .. الغرام ظاهِر ..
ولســاني .. حِليلُــو إتبلـَّــم ..
بِقيت بين بين .. وفي الآخِر ..
عقلـي معــاهُو إتقسّـــم ..
بين مجنون .. وبين شاعِر ..
وبين جاهِل .. وبتعلّـــم ..
وده حالتي مُراجِـع ومُذاكـِـر ..
كتـــاب الريــده .. والمُعجم ..
وفي قصص الهوى .. مُساهِر ..
وبي بثينه وجميل .. بحلـم ..
وبعد ده .. حبيبي ما شاعِر ..
بــراي في ريدي.. بتألّـــم ..
دحين ياقلبي .. ما تكـــابِر ..
ولأمر الريده .. إستســلَم .

شرف التجربه

صبرك علــــي يا قِليب ..

شـــــابِكنِي .. إتــــروَّى ..

وقلنـا النَّصيب .. بيصيب ..

شوف صبرِي كيف سوَّى..

وإحســاســي .. ما بِيخيب ..

أنا دسّــــيتو فِيـك جـــوَّه ..

ده بكره القـــدر .. بيجيب ..

بــكره البِخـــاف .. بِــقوى..

ووقفت .. قِـدّامــو ..

وأنا عيني في عينو ..

وافكاري فيو هـامو ..

بي كُلْ مضـــامِينو ..

وخوفك .. وأوهامو ..

يا قلبي .. ما بِعينو ..

أرجـوك إعلامو ..

بالبيني .. والبينو ..

ســقتك معــاي .. متفـائل ..

وقايلك .. مخاوفي حتغلِبا ..

وفي خوفك .. إنت مُزاوِل ..

وخــلّيتو عـــــــاده محبَّبه ..

ودي الدنيـــا ما بتجـــامِل ..

وزمنَّــا .. ماشِّي مُصعِّبا ..

يا قلْبي .. كُنتَ تحــــاول ..

كان نُلتَ شرفْ التجـــرُبه .

إتوسَّمت فيكي الخير

ســـــــودانيّه .. ستَّ النَّاسْ ..

في العين مطرحِك .. والراسْ ..

جمال ولطافه .. ذوق وإحساسْ ..

صِفات لا بتُحصى .. لا بتِنْقاسْ ..

في تاريخنا .. إنْتِي أساسْ ..

والتاريخ عليكي يشيرْ ..

أنا اتوسَّمْتَ فِيكي الخيرْ .

,,,,,,

ســـــــودانيّه .. بِنْتَ النِّيــلْ ..

يا صُبْحاً .. نسيمو عليلْ ..

يا ضيَّ القمر .. بالّليلْ ..

يا شِيتاً سمِح .. بالحيلْ ..

وكُلَّ الوصفوا فِيكي .. قليلْ ..

خصّاك ربِّي .. دُونَ الغير ..

أنا اتوسَّمْتَ فِيكي الخير .

,,,,,,

ســـــــودانيّه .. بِتْ بَلدي ..

وكتَ الحارَّه .. لي سَنَدي ..

تجِيبي السَّلوى لي عِنْدي ..

أنا دايرِك ليَّا .. أُم ولَدي ..

وجيتِك .. ومادِّي ليك يدِّي ..

ونقرا الفاتحه .. قولة خير ..

أنا اتوسَّمْتَ فِيكي الخير .

أنا عِند وعدِي

يا تمْرَ هِنْدِي ..

لي شوقي ودِّي ..

وكلِّم حبيبي ..

الخدُّو وردِي ..

قول ليو حبيبَك ..

يوم ما بيسيبك ..

وأكِّد عليهو ..

وحياة عينيهو ..

أنا عِند وعدِي ..

ويا تمْرَ هِنْدِي ..

إتوصَّى بيهو ..

وأحكيهو حالِي ..

ده طول إنشغالِي ..

وسهر الليالي ..

أنا بيهو مَرْضِي ..

وطُول ما حبيبي ..

الفي نظَري حالي ..

عايش في بالي ..

وساكن في خَلْدي ..

ويا تمْرَ هِنْدِي ..

قُول بي أمانه ..

لي ناس معانا ..

ده حبيبي نادِر ..

وجمالو فردي ..

أًسلوبو ساحِر ..

راقي المشاعِر ..

وانا ليهو شاعِر ..

وبُرهانِي عِندِي ..

ويا تمْرَ هِنْدِي ..

شايف حبيبي ؟ ..

طوّل بعادُو ..

وزاد في عِنادُو ..

وانا ما بيدّي ..

أخْفيهُو حُبِّي ..

وأسكِّت في قلبِي ..

واقول ليهو أصبُر ..

دي فتره وتعدِّي ..

ويا تمْرَ هِنْدِي ..

يا هَناي وسعْدِي ..

في قِليبي دارك ..

وانا قلبي دارك ..

وقِبْل التحدِّي ..

ويا القمره دورِك ..

وبهاك ونُورِك ..

ما أظِن حيُبدي ..

لي خاطرِي فِكره ..

بينكُم أقارِنْ ..

ده حبيبي فاتِنْ ..

ودلالو فِطره ..

يا ذُو الجَّلالِ ..

يا عزِيزْ .. ومُهدِي ..

صلاتي وسلامي ..

لي نبينا أُهدي ..

أقبل دعايَ ..

وحقِّق مُنايا ..

أنا قلبي عاشِق ..

لعشوقو أدِّي .

البينّا أكبر من كده

يوم ألقاكَ .. عندي سؤال .. ما بتحْمَل إجابتو إتنين ..

دوام الحال ده قالوا .. محال .. وحالي معاك آخرو متين ..

حكايتي معاك شاغله البال .. وشالت منّي نوم العين ..

وخوفي من البعاد الطال .. يزيد من خوفي .. تاني سنين ..

في عينيكَ .. شفت هنايا .. مناي قليبك يأكّــدا ..

ومنايا إنت تكون معاي .. تدخل حياتي .. وتسعدا ..

والبينّا ما يضوق النهايه .. ويبقى أكبر من كده ..

حكايتي معاك أحلي حكايه .. يرضيك تموت بالشكل ده ؟.

رضاك يا يُمّـــــا

أقول أدّيك هديّه بسيطه .. مِن جوّايا ..

تليق بمقامك إنتي .. وتقبليها .. منايا ..

ألقى هديتي ما بتكفّي .. لحظه معايا ..

وكت الشفت في عينيك .. أبلـــغ آيه ..

وقلتي ليّا .. منّك عافيه تب يا جنايا ..

رضاك يا يُمّا إنتي رضاكي أنبل غايه ..

ومهما عملت ليك .. يا يُمّا ما بوفيكي ..

يوم الأبكي .. أشوفا دموعي في خدّيكي ..

وكتين أضحك .. ألقى الفرحه في عينيكي ..

وحاتِك يمّا .. وقولة يُمّــا حبّه عليكي ..

أجيب الدنيا .. كلَّ الدنيا .. بين إيديكي ..

وربّـنـا قـال ..

رضاهو بيبقى .. يوم أرضيكي .

كل سنه طيبه يا أُمّي .. وكل أم في الدنيا .. أُمّي .